A+ A-

சினிமா தொழிலாளர்களுக்கு 10 லட்சம் உதவி..!

சென்னையில் தனியார் நிறுவனம் ஒன்று சேத்துப்பட்டு லேடி ஆண்டாள் பள்ளி அரங்கில் 2017ம் ஆண்டுக்கான திரைப்பட விருது வழங்கும் விழாவை நடத்தியது. இந்த விழாவில் அந்த நிறுவனம் தமிழ் திரைப்பட தயாரிப்பாளர் சங்கம் மற்றும் தென்னிந்திய நடிகர் சங்கத்திற்கு 10 லட்சம் ரூபாய் நன்கொடை வழங்கியது. இதனை அந்த நிறுவனத்தின் சார்பில் கமல்ஹாசன், தயாரிப்பாளர் சங்கத் தலைவரும், நடிகர் சங்க செயலாளருமான விஷாலிடம் வழங்கினார்.

அதைப் பெற்றுக் கொண்ட அதே நேரத்தில் அதனை பெப்சி தொழிலாளர்களுக்காக பெப்சி தலைவர் ஆர்.கே.செல்வமணியிடம் அந்த 10 லட்சத்தை வழங்கினார்.

இதுகுறித்து விஷால் கூறும்போது "கடந்த ஒரு மாதமாக தொழிலாளர்களுக்கு வேலை இல்லை. அவர்கள் எப்படிப்பட்ட துன்பத்தில் இருக்கிறார்கள் என்பதை அறிவோம். இக்கட்டான இந்த நேரத்தில் அவர்களுக்கு இந்த தொகை உதவட்டும் என்று அதனை பெப்சிக்கு வழங்கினோம். விரைவில் எல்லா பிரச்சினைகளும் முடிந்து தொழிலாளர்கள் விரைவில் பணிக்கு செல்லும் வாய்ப்பு ஏற்படுத்தி தரப்படும்" என்றார் விஷால்.