A+ A-

விக்ரம் பிரபு உடன் இணையும் மகிமா நம்பியார்..!

'சாட்டை', 'குற்றம்-2'3, 'புரியாத புதிர்', 'கொடி வீரன்', ஆகிய படங்களில் நடித்தவர் மகிமா நம்பியார். அருள் நிதியின் நடிப்பில் விரைவில் வெளியாகவிருக்கும் 'இரவுக்கு ஆயிரம் கண்கள்' படத்திலும் மகிமா நம்பியார் கதாநாயகியாக நடித்திருக்கிறார்.

இந்தப் படம் விரைவில் வெளியாக இருக்கிறது. இந்தப் படங்களைத் தொடர்ந்து அசுரகுரு என்ற படத்தில் நடிக்க ஒப்பந்தமாகி இருக்கிறார் மகிமா நம்பியார். 'அசுரகுரு' படத்தில் விக்ரம் பிரபு கதாநாயகனாக நடிக்கிறார். அவருடன் மகிமா நம்பியார் முதன் முதலாக 'அசுரகுரு' படத்தில் இணைய இருக்கிறார். ராஜ்தீப் இந்த படத்தை இயக்குகிறார். படப்பிடிப்பு விரைவில் துவங்கவிருக்கிறது.

விக்ரம் பிரபு நடித்துள்ள 'பக்கா' மற்றும் 'துப்பாக்கி முனையில்' ஆகிய இரண்டு படங்கள் அடுத்தடுத்து வெளியாகவிருக்கின்றன.