A+ A-

அர்ஜுன் பல நடிகைகளை பாலியல் ரீதியாக சீண்டினார்! மீண்டும் பரபரப்பு..!

நடிகர் அர்ஜுன் மீது பாலியல் புகார் தெரிவித்துள்ள நடிகை ஸ்ருதி ஹரிஹரன், மேலும் பல நடிகைகளுக்கு அவரால் பாலியல் தொந்தரவு ஏற்பட்டுள்ளதாக மீண்டும் ஒரு பரபரப்பு குற்றச்சாட்டை எழுப்பியுள்ளார். 

சமீபத்தில் இது தொடர்பாக செய்தியாளர்களை சந்தித்த அவர், ‘ நிபுணன்’ படத்தில் நடித்த போது நடிகர் அர்ஜூன் தன்னை இறுக்கமாக கட்டிபிடித்து பாலியல் தொந்தரவு கொடுத்தார் என்று தெரிவித்திருந்தார். 

அப்போது அவர், நடிகர் அர்ஜுன் இதே போன்ற தொந்தரவுகளை, மற்ற நடிகைகளுக்கு வழங்கியதாகவும் தெரிவித்தார். ஆனால் அவர்கள் புகார் கொடுக்க தைரியமில்லாமல், அடையாளத்தை மறைத்துக் கொண்டு இருப்பதாக கூறினார். 

இந்நிலையில், ஸ்ருதி ஹரிஹரனின் குற்றச்சாட்டை சட்டரீதியாக சந்திக்கவுள்ளதாக நடிகர் அர்ஜுன் தெரிவித்தார். இதற்கு பதிலளித்த ஸ்ருதி, அர்ஜுனை சட்டரீதியாக எதிர்கொள்ள தானும் தயாராக இருப்பதாகவும், அதற்குரிய ஆதாரங்களை திரட்டி வருவதாக தெரிவித்தார்.


பாலியல் குற்றச்சாட்டுக்களை பிரபலமானவர்கள் மீது எழுப்புவது சாதாரணம் இல்லை. புகார் தெரிவித்தாலும், அதை எளிதாக அவர்கள் கடந்துவிடுவார்கள். ஆனால் தற்போது நிலைமை மாறியிருக்கிறது. ’#METOO’ பிரச்சாரம் முன்னெடுக்கப்பட்ட பிறகு, பாலியல் புகார்கள் கொடுக்க பாதிக்கப்பட்ட பெண்களுக்கு மனதைரியம் ஏற்பட்டுள்ளது என்று நடிகர் ஸ்ருதி ஹரிஹரன் கூறினார். 

இந்த சம்பவம் குறித்து பேசிய பிரகாஷ் ராஜ், அர்ஜூன் மூத்த நடிகர் என்பதை நாம் மறக்கக்கூடாது . ஆனால் பாலியல் புகார் கூறியுள்ள அந்த பெண்,இவ்வளவு நாட்கள் தனக்கு ஏற்பட்ட அவமானம்,காயத்தை , தனக்குள்ளேயே புதைத்து வைத்திருந்த வலியை நாம் புரிந்துகொள்ள வேண்டும். தன் மீதான பாலியல் புகாரை அர்ஜூன் புறம்தள்ளினாலும், அவர் மன்னிப்பு கேட்க வேண்டும் என்று தெரிவித்துள்ளார். 

#METOO பரப்புரை வலுவடைந்து வரும் நிலையில் பாலிவுட் முதல் கோல்வுட் வரை பல நடிகைகள், பிரபலமான ஆண்களால் ஏற்பட்ட பாலியல் துன்புறுத்தல்களை குறித்து புகார் தெரிவித்து வருகின்றனர். கேரளாவில் நடிகைகளின் பலமான எதிர்ப்பு காரணமாக நடிகர் திலீப் மீண்டும் மலையாள நடிகர் சங்கத்திலிருந்து சமீபத்தில் நீக்கப்பட்டது குறிப்பிடத்தக்கது.