A+ A-

#MeToo! டிவி நிகழ்ச்சியில் இருந்து இசையமைப்பாளர் நீக்கம்!!

தற்போது சினிமாவை விட சின்னத்திரைக்குத்தான் மவுசு அதிகம். அதில் இடம்பெறும் நிகழ்ச்சிகளுக்கு மக்கள் மத்தியில் நல்ல வரவேற்பு இருக்கிறது. நிகழ்ச்சிகளை ஒளிபரப்புவதில் மற்ற டிவி சேனல்களுக்கு இடையே கடுமையான போட்டி நிலவுகிறது. 

‘இந்தியன் ஐடல்’ என்ற நிகழ்ச்சி தற்போது சோனி பொழுதுபோக்கு சேனலில் இந்தியில் ஒளிபரப்பாகி வருகிறது. இந்த நிகழ்ச்சியின் நடுவராக பிரபல இசையமைப்பாளர் அனுமாலிக் இருந்து வந்தார். அண்மையில் அவர் மீது பிரபல பாடகிகள் ஸ்வேதா பண்டிட், சோனா மொகாபத்ரா ஆகியோர் பாலியல் குற்றச்சாட்டுக்கள் வைத்தனர். இதனால் பெரும் சர்ச்சையாக அவரை நிகழ்ச்சியிலிருந்து விலகுமாறு சோனி நிறுவனம் கேட்டுக்கொண்டது. இதனால் அவரும் விலகிவிட்டார். 

இதுகுறித்து ஏஎன்ஐ செய்தி நிறுவனத்துக்கு அளித்த பேட்டியில், ''இனி இந்தியன் ஐடல் நிகழ்ச்சியின் நடுவராக இனி அனுமாலிக் நீடிக்கமாட்டார். தொடர்ந்து அந்த நிகழ்ச்சி நடைபெறும். அவருக்கு பதில் விஷால் தத்லானி, நேஹா காக்கர் இடம்பெறுவர்'' என்று சோனி நிறுவனம் தெரிவித்துள்ளது.