A+ A-

பெயரை மாற்றி தனது ஜல்லிக்கட்டு போராட்ட புகைப்படத்தை பதிவிட்டு வாங்கிக்கட்டிய ஜூலி!

மெரினா கடற்கரையில் நடந்த ஜல்லிக்கட்டு போராட்டத்தில் சின்னம்மா சின்னம்மா ஓபிஎஸ்ஸ எங்கம்மா என்று கோஷமிட்டு பிரபலமானவர் ஜூலி. வீரத் தமிழச்சி என்று பெயர் எடுத்த அவர் பிக் பாஸ் நிகழ்ச்சியில் கலந்து கொண்டார். பிக் பாஸ் வீட்டில் அவர் நடந்து கொண்டதை பார்த்தவர்கள் ஜூலி போலி என்று கலாய்க்கத் துவங்கினார்கள். இந்நிலையில் காணும் பொங்கல் நாளான இன்று ஜூலி ட்விட்டரில் புகைப்படம் ஒன்றை வெளியிட்டுள்ளார்.

ஜல்லிக்கட்டு போராட்டத்தின்போது எடுத்த புகைப்படத்தை ஜூலி ட்விட்டரில் வெளியிட்டுள்ளார். அதை பார்த்த நெட்டிசன்கள், இப்போ எதற்காக இந்த புகைப்படத்தை வெளியிட்டுள்ளீர்கள். போராட்டத்தில் உங்களை பார்த்து ரொம்ப மதிப்பும், மரியாதையும் வைத்திருந்தோம், இப்போ எல்லாம் போச்சு. உங்களை போய் வீரத் தமிழச்சி என்று அவசரப்பட்டு சொல்லிவிட்டோம். முதலில் அந்த புகைப்படத்தை நீக்குங்கள் என்று தெரிவித்துள்ளனர்.

தன்னை நெட்டிசன்கள் விமர்சிப்பதை பார்த்த ஜூலி, பாவம் உண்மை ஒரு நாள் வெல்லும் நண்பா கண்ணால் பார்ப்பது எல்லாம் உண்மை அல்ல தோழரே என்று மட்டும் பதில் அளித்துள்ளார். அதை பார்த்தவர்கள் அது என்ன பெரிய உண்மை என்று கேள்வி எழுப்பியுள்ளனர்.

சும்மாவே ஜூலி எந்த புகைப்படத்தை வெளியிட்டாலும் நெட்டிசன்கள் கலாய்ப்பார்கள். இந்நிலையில் இந்த புகைப்படத்தை பார்த்தவர்கள் கோபப்பட்டு கலாய்க்கிறார்கள். சிலரோ விழுந்து விழுந்து சிரிப்பது போன்று எல்லாம் வீடியோ வெளியிட்டுள்ளனர்.