CineBM

மூக்குத்தி அம்மன் 2 படத்தில் இரண்டு வேடங்களில் நயன்தாரா!

2020ம் ஆண்டு ஆர்.ஜே.பாலாஜி இயக்கிய 'மூக்குத்தி அம்மன்' படத்தில் நடித்தார் நயன்தாரா. அப்படம் நேரடியாக ஓடிடியில் வெளியாகி வெற்றி பெற்றது.

இந்த நிலையில் தற்போது சுந்தர்.சி இயக்கத்தில் மூக்குத்தி அம்மன் படத்தின் இரண்டாம் பாகத்தில் நடித்து வருகிறார் நயன்தாரா. 100 கோடி பட்ஜெட்டில் உருவாகும் இந்த பான் இந்தியா படத்தில் நயன்தாராவுடன் ரெஜினா, இனியா, யோகி பாபு, சிங்கம் புலி மற்றும் கன்னட நடிகர் துனியா விஜய் உள்ளிட்ட பலர் முக்கிய வேடங்களில் நடிக்கிறார்கள்.

இந்த நிலையில் இந்த மூக்குத்தி அம்மன்-2 படத்தில் நயன்தாரா, அம்மனாக மட்டுமின்றி போலீசாகவும் நடிப்பதாக ஒரு தகவல் வெளியாகியிருக்கிறது. ஏற்கனவே ஐரா என்ற படத்தில் இரண்டு வேடங்களில் நடித்திருந்த நயன்தாரா தற்போது இந்த மூக்குத்தி அம்மன்-2 படத்திலும் இரண்டு ரோலில் நடிக்கிறார்.

news

மீண்டும் நடிப்புக்கு திரும்பிய எமி ஜாக்சன்!

'மதராசபட்டினம்' என்ற படத்தின் மூலம் தமிழுக்கு வந்த லண்டன் நடிகை எமி ஜாக்சன், அதன் பிறகு 'தாண்டவம், தெறி, 2.0' உள்ளிட்ட பல படங்களில் நடித்தார். கடைசியாக 'மிஷன் சாட்டர்-1' என்ற படத்தில் நடித்திருந்தார்.

மேலும் ஜார்ஜ் என்பவரை காதலித்து திருமணத்திற்கு முன்பே ஒரு ஆண் குழந்தையை பெற்றெடுத்த எமி ஜாக்சன், பின்னர் அவரை பிரிந்து விட்டார். அதன் பிறகு எட் வெஸ்ட் விக் என்ற ஹாலிவுட் நடிகரை காதலித்து திருமணம் செய்து கொண்ட எமி ஜாக்சனுக்கு மீண்டும் ஒரு ஆண் குழந்தை பிறந்தது.

குழந்தை பிறப்புக்கு பிறகு ஓராண்டு காலமாக நடிக்காமல் இருந்து வந்த எமி ஜாக்சன் தற்போது மீண்டும் ஒரு ஹாலிவுட் படத்தில் நடிக்கப் போகிறார். இது குறித்து அவர் தனது இணைய பக்கத்தில் ஒரு பதிவு வெளியிட்டுள்ளார். அந்த பதிவில், ஒரு வருடத்திற்கு பிறகு மகன்களைப் பிரிந்து மீண்டும் வேலைக்கு செல்ல போகிறேன். இது மிகவும் கடினமாக உள்ளது.

எப்போது வீடு திரும்பி மகன்களை பார்ப்பேனோ என்ற ஏக்கம் உள்ளது. இப்படி என்னைப் போலவே என்னை பிரியும் கஷ்டம் என் மகன்களுக்கும்தான் இருக்கும். அதை நினைக்கும் போது சற்று ஆறுதலாக உள்ளது என்று பதிவிட்டுள்ளார் எமி ஜாக்சன்.

news

ஸ்லிம் ரகசியத்தை கேட்டவர்களுக்கு குஷ்பு கொடுத்த பதில்!

திருமணத்திற்கு பிறகு உடல் பெருத்திருந்த குஷ்பு, கடந்த சில ஆண்டுகளாக வெயிட் குறைக்க தொடங்கினார். தற்போது அனைவரும் ஆச்சரியப்படும் அளவுக்கு ஸ்லிம்மாகி, ஜீன்ஸ், வெள்ளை நிற சட்டையில் ஒரு செல்பி எடுத்து அதை இன்ஸ்டாகிராம் பக்கத்தில் வெளியிட்டுள்ளார். அதைப் பார்த்து சிலர் நீங்கள் எடை குறைத்த ரகசியத்தை சொல்லுங்கள் என்று குஷ்பு இடத்தில் கெஞ்சி கேட்டு வருகிறார்கள்.

அதற்கு குஷ்பு வெளியிட்டுள்ள பதிவில், 'இந்த பயணம் அற்புதமாக இருந்தது. சில நேரங்களில் சோதனையாகவும், சோர்வாகவும் இருந்தது. ஆனால் நான் கற்றுக்கொண்டது என்னவென்றால், பொறுமை மற்றும் விடாமுயற்சி மனப்பான்மையை கைவிடாதீர்கள். ஒரு குறிக்கோளுடன் நடந்து செல்லுங்கள். உங்கள் இலக்கை நோக்கி கவனம் செலுத்துங்கள். வெற்றி நிச்சயம் உங்களை தேடி வரும். பாதுகாப்பின்மையை அதிகரித்து அனுமானங்களுடன் வாழ்பவர்களுக்கு வயிற்று எரிச்சல் இருக்கும். எனக்கு முழுமையாக புரிகிறது. உங்களுக்கு உதவ நான் செய்யக்கூடிய ஒரு நல்ல அமிலத்தன்மை எதிர்ப்பு மருந்தை பரிந்துரைப்பது, கடினமாக உழைக்க சொல்வது மட்டுமே' என்று பதிவிட்டுள்ளார் குஷ்பு.

news

கார் ரேஸூக்காக 42 கிலோ எடை குறைத்தேன்: அஜித் பேட்டி

நடிகர் அஜித்குமார் ஒருபக்கம் நடிப்பு மற்றும் மறுபக்கம் கார் ரேஸ் என பிஸியாக இருக்கிறார். சமீபத்தில் அவர் நடித்து வெளியான 'குட் பேட் அக்லி' படம் அஜித்தின் சினிமா கேரியரில் அதிக வசூலை பெற்று சாதனை படைத்துள்ளது. படத்தில் நடித்து முடித்ததும் தொடர்ந்து கார் ரேஸில் முழு கவனத்தையும் செலுத்தி வருகிறார்.

இந்த நிலையில், அஜித் ஒரு ஆங்கில நாளிதழுக்கு அளித்த பேட்டியில் கார் ரேஸ் மற்றும் தனது அடுத்தப்படம் பற்றிய தகவல்களை பகிர்ந்துள்ளார். அதில் அவர் கூறியுள்ளதாவது: கார் ரேஸ் போட்டிகளுக்காக கடந்த 2024ல் ஆகஸ்ட் மாதத்தில் இருந்து தற்போது வரை 42 கிலோ எடையை குறைத்துள்ளேன். இதுவரை நான் கார் ரேஸ் மற்றும் திரைப்படம் என மாறி மாறி கவனம் செலுத்தி வருகிறேன். இதனால் பல ஏற்றத் தாழ்வுகள் ஏற்பட்டு வருகின்றன. எனவே இனி ஒரு நல்ல முடிவை எடுக்க உள்ளேன்.

ரேஸ் இருக்கும் நேரங்களில் சினிமாவில் நடிப்பதில்லை என்றும், சினிமாவில் நடிக்கும் போது ரேஸில் கலந்து கொள்வதில்லை என்றும் முடிவெடுக்கிறேன். அதாவது, கார் ரேஸ் காலகட்டத்தில் படம் நடிக்காமல் ரேஸில் கவனம் செலுத்துவதே சிறந்த வழி. வரும் நவம்பர் மாதத்தில் எனது அடுத்த படத்தில் நடிக்க உள்ளேன்; அந்த படம் அடுத்தாண்டு (2026) ஏப்ரல் அல்லது மே மாதத்தில் வெளியாகலாம். இவ்வாறு அஜித் கூறியுள்ளார்.

news

பாதுகாப்பு கேட்டு கவுதமி பொலிஸில் புகார்

1980களில் முன்னணியில் இருந்தவர் நடிகை கவுதமி. சினிமா வாய்ப்புகள் குறைந்ததால் தொலைக்காட்சி தொடர்கள், வெப் சீரீஸ்களில் நடித்து வருகிறார். அவ்வப்போது சில படங்களிலும் நடிக்கிறார். பாரதிய ஜனதா கட்சியில் இணைந்து அரசியலிலும் குதித்தார். தற்போது அந்த கட்சியில் இருந்து விலகி அதிமுகவில் இணைந்துள்ளார். அக்கட்சியில் கொள்கை பரப்பு இணை செயலாளராக இருந்து வருகிறார்.

இந்த நிலையில் சென்னை நீலாங்கரையில் தனக்கு சொந்தமான 9 கோடி மதிப்புள்ள சொத்தை தன்னிடம் பணியாளராக இருந்த அழகப்பன், மோசடி செய்து அபகரித்து விட்டதாகவும், சட்டவிரோதமாக அனுமதி பெற்று கட்டடம் கட்டி வருவதாகவும் புகார் அளித்தார். அந்த புகாரின் அடிப்படையில் அழகப்பன் மற்றும் அவரது குடும்பத்தினர் கைது செய்யப்பட்டனர். நீதிமன்ற உத்தரவின்படி அந்த இடம் பூட்டி சீல் வைக்கப்பட்டது.

இந்த நிலையில் தன்னை சிலர் மிரட்டுவதாக சென்னை போலீஸ் கமிஷனர் அலுவலகத்தில் கவுதமி புகார் அளித்துள்ளார். அந்த புகார் மனுவில் அவர் கூறியிருப்பதாவது: எனது நிலத்தில் ஆக்கிரமிப்பு கட்டுமானத்தை இடிப்பதற்காக அதிகாரிகள் சிலர் என்னிடம் 96 ஆயிரம் லஞ்சம் கேட்கிறார்கள்.மேலும், வக்கீல்கள் என்ற போர்வையில் 'வாட்ஸ்-அப்' மூலம் என்னை சிலர் மிரட்டுகிறார்கள். நிலத்தில் உள்ள கட்டுமானத்தை இடிப்பது தொடர்பாக ஆர்ப்பாட்டம் நடத்தப்போவதாக கூறி போஸ்டர் அனுப்பி மிரட்டுகிறார்கள்.

எனக்கு மிரட்டல் விடுக்கும் அந்த நபர்கள் மீது கடும் நடவடிக்கை எடுக்க வேண்டும். அவர்கள் மூலம் எனது உயிருக்கு ஆபத்து ஏற்படலாம், அதனால் எனக்கு உரிய பாதுகாப்பு வழங்க வேண்டும். என்று புகாரில் அவர் குறிப்பிட்டுள்ளார்.

news

என் அழகான வாழ்க்கை துணை கெனிஷா: ரவி மோகன் அறிவிப்பு

நடிகர் ஜெயம் ரவி எனும் ரவி மோகன் தனது காதல் மனைவி ஆர்த்தியை பிரிந்து வாழ்கிறார். இருவரும் விவாகரத்து கேட்டு கோர்ட் படியேறி உள்ளனர். இதுதொடர்பான வழக்கு நடந்து வருகிறது. இதற்கிடையே பாடகி கெனிஷா உடன் நெருக்கமானார் ரவி மோகன். சமீபத்தில் தயாரிப்பாளர் ஐசரி கணேஷ் இல்ல திருமண விழாவில் இருவரும் ஒரே மாதிரியான நிறத்தில் உடை அணிந்து ஜோடியாக பங்கேற்றார்.

இந்த வீடியோ வைரலான நிலையில் இதுபற்றி ரவி மோகனை விமர்சித்து அறிக்கை வெளியிட்டார் ஆர்த்தி. அதில் 18 ஆண்டுகளாக நான் அவருக்கு துணையாக இருந்தேன். ஆனால் அவர் என்னை பிரிந்து சென்றுவிட்டார். தினமும் கண்ணீரில் தவித்தேன். தந்தை என்பது வெறும் பெயர் அல்ல, பொறுப்பு என காட்டமாக தெரிவித்து இருந்தார். இதற்கு கெனிஷாவும் பதில் அளித்து இருந்தார்.

இந்நிலையில் ஆர்த்திக்கு பதிலளிக்கும் விதமாக ரவி மோகன் இன்று(மே 15) நீண்ட அறிக்கை ஒன்றை வெளியிட்டார். அதில் ‛‛தன்னை பொன் முட்டையிடும் வாத்தாக மட்டுமே பார்த்ததாகவும், நான் வாழ்வதே என் பிள்ளைகளுக்காக மட்டுமே. நான் என் மனைவியை மட்டுமே பிரிந்தேன். பிள்ளைகளை அல்ல' என கூறியிருந்தார்.

அந்த பதிவிலேயே கெனிஷா பற்றி அவர் கூறும்போது, ‛‛கெனிஷா பிரான்சிஸ் என் நண்பராக இருந்தவர். நான் நீரில் மூழ்கும்போது, என்னை காப்பாற்ற முயற்சித்தவர். பணம், வாகனம், ஆவணங்கள், ஏன் எனது அடிப்படை கண்ணியம் கூட பறிக்கப்பட்டு வெறுங்காலுடன் நான் வீட்டை விட்டு வெளியேறிய போதும் எனக்காக நின்றவர் கெனிஷா. சூழ்நிலையை உணர்ந்து, தயங்காமல் வந்த ஒரு அழகான துணை அவர். என் வாழ்க்கையில் ஒளியை கொண்டு வந்தவர். நான் சட்ட ரீதியாக, உணர்ச்சி ரீதியாக, பண ரீதியாக போராடிய போது அனைத்திலும் அவர் துணை நின்றார்.

நான் மகிழ்ச்சியாக இருக்க தகுதியானவன் என்பதை எனக்கு நினைவூட்டியதும் அவர் தான். அவரின் நடத்தை, தொழிலை அவமதிப்பதை ஒருபோதும் அனுமதிக்க மாட்டேன். அவர் ஒரு தெரபிஸ்ட். அதைவிட அவர் அற்புதமான பாடகி. ஆரம்பத்தில் என் கதையை கேட்ட நிமிடத்தில் எனக்கு ஒரு தோழியாக மட்டும் உதவுவேன் என கூறினார். எனது வாழ்நாளில் என்னை உண்மையில் புரிந்து கொண்டவர்கள் யார், என்னை பயன்படுத்தியவர்கள் யார் என்று எனக்குத் தெரியும். யாரும் என் வாழ்க்கையை வீழ்த்த முடியாது.

சமீபநாட்களாக சமூக வலைதளங்களில் என் மீதும், என் தோழியின் மீதும் கூறப்படும் குற்றச்சாட்டுகள், விமர்சனங்கள் மன வேதனையை தந்தது. நானும் பல வேதனைகளை அனுபவித்தேன். அந்த வாழ்க்கைக்குள் மீண்டும் செல்ல விரும்பவில்லை. இதுவே என் கடைசி அறிக்கை. ஆனால் இதையும் அவர்கள் பெரிதாக்குவார்கள். ஒரு குடிமகனாக, சட்டத்தை மதிக்கிறேன். நான் இப்போது எடுத்த முடிவுகளால் மகிழ்ச்சியாகவும், அமைதியாகவும் இருக்கிறேன். இதற்கு முன் என் வாழ்வில் இவ்வளவு நிம்மதியை உணர்ந்ததில்லை. வாழுங்கள், வாழ விடுங்கள். இவ்வாறு ரவி தெரிவித்துள்ளார்.

news

'பென்ஸ்' படம் பூஜையுடன் துவங்கியது

தமிழ் சினிமாவில் முன்னணி இயக்குனராக இருப்பவர் லோகேஷ் கனகராஜ். தனது ஜி ஸ்குவாட் நிறுவனத்தின் மூலம் படங்களையும் தயாரித்து வருகிறார். கடந்த வருடத்தில் அவரது தயாரிப்பில் 2வது படமாக 'பென்ஸ்' படத்தை அறிவித்தனர்.

லோகேஷ் கதையில் உருவாகும் இதை ரெமோ இயக்குனர் பாக்யராஜ் கண்ணன் இயக்குவதாகவும் இதில் கதாநாயகனாக ராகவா லாரன்ஸ் நடிப்பதாகவும் அறிவித்தனர். இப்படத்தின் முன் தயாரிப்பு பணிகள் நிறைவு பெற்றும், இதன் படப்பிடிப்பு துவங்காமல் நிலுவையில் இருந்தது. இதற்கு சாய் அபயன்கர் இசையமைக்கிறார்.

இந்நிலையில் இந்த படம் பூஜை நிகழ்வுடன் துவங்கியது. இதில் ராகவா லாரன்ஸ், லோகேஷ் கனகராஜ், பாக்யராஜ் கண்ணன், சாய் அபயன்கர் உள்ளிட்ட பலர் கலந்து கொண்டனர். பூஜை விழாவின் மூலம் இந்த படத்தில் ஒளிப்பதிவாளராக கவுதம், படத்தொகுப்பாளராக பிலோமின் ராஜ் மற்றும் கலை இயக்குனராக ஜாக்கி ஆகியோர் இணைந்ததாக படக்குழு அறிவித்துள்ளனர்.