இவர் யூடியூப் சேனலையும் நடத்தி வருகிறார். சமீபத்தில், இலக்கியா தனது இன்ஸ்டா ஸ்டோரியில், பிரபல ஸ்டண்ட் மாஸ்டர் சூப்பர் சுப்பராயனின் மகன் திலீப் சுப்பராயன் தனது மரணத்திற்கு காரணமாக இருப்பார் என குற்றம்சாட்டினார்.
“என்னை ஏமாற்றி, ஆறு வருடங்களாக உறவில் இருந்தார்; மற்ற பெண்களுடன் தொடர்பு வைத்து, கேட்டால் என்னை அடிக்கிறார்” என பதிவிட்டு, அதிர்ச்சியை ஏற்படுத்தினார்.
இதனைத் தொடர்ந்து, பூந்தமல்லி காட்டுப்பாக்கத்தில் வசிக்கும் இலக்கியா, அளவுக்கு அதிகமான ஊட்டச்சத்து மாத்திரைகளை உட்கொண்டு, மதுபோதையில் பூந்தமல்லி அரசு மருத்துவமனையில் அனுமதிக்கப்பட்டார்
மேல் சிகிச்சைக்காக கீழ்பாக்கம் அரசு மருத்துவமனைக்கு அனுப்பப்பட இருந்த நிலையில், இலக்கியா தனியார் மருத்துவமனைக்கு மாற்றப்பட்டு, சிகிச்சைக்குப் பின் வீடு திரும்பினார்.
திலீப் சுப்பராயன், பா. ரஞ்சித் இயக்கும் வேட்டுவம் படப்பிடிப்பில் இருப்பதாகவும், இலக்கியாவின் இன்ஸ்டா ஐடி ஹேக் செய்யப்பட்டு இத்தகைய பதிவு வெளியிடப்பட்டதாகவும் கூறினார்.
“எட்டு வருடங்களுக்கு முன் இலக்கியாவுடன் பணியாற்றியது மட்டுமே உண்மை; வேறு எந்த உறவும் இல்லை. யாரோ பழிவாங்குவதற்காக இப்படி செய்திருக்கலாம்,” என்று விளக்கமளித்தார்.
பின்னர், இலக்கியாவின் இன்ஸ்டா ஸ்டோரியில், “எல்லாமே பொய்யான தகவல்” என பதிவிடப்பட்டது. இது இலக்கியாவின் ஐடி ஹேக் செய்யப்பட்டதா அல்லது அவர் மிரட்டப்பட்டாரா என்ற கேள்விகளை நெட்டிசன்கள் எழுப்பி வருகின்றனர்.
இலக்கியாவின் இன்ஸ்டா ஸ்டோரி சர்ச்சை, தற்கொலை முயற்சி குற்றச்சாட்டு, மற்றும் அதற்கு பின்னால் உள்ள உண்மைகள் குறித்து விசாரணை தொடர்கிறது.
இந்த சம்பவம், சமூக ஊடகங்களில் பரவும் தகவல்களின் நம்பகத்தன்மையையும், பொய்யான குற்றச்சாட்டுகளின் தாக்கத்தையும் கேள்விக்கு உட்படுத்தியுள்ளது.