தமிழ் சின்னத்திரையில் ஏராளமான ரியாலிட்டி ஷோக்கள் ஒளிபரப்பாகி வந்தாலும், அவற்றில் ரசிகர்கள் மத்தியில் மிகப்பெரிய வரவேற்பை பெற்ற நிகழ்ச்சிகளில் ஒன்றாக பிக்பாஸ் நிகழ்ச்சி இருந்து வருகிறது.
விஜய் தொலைக்காட்சியில் ஒளிபரப்பாகி வரும் பிக்பாஸ் நிகழ்ச்சி தற்போது 10வது சீசனை எட்டியுள்ளது. கமல்ஹாசன் தொகுத்து வழங்கிய முதல் சீசன் முதல் ரசிகர்களின் கவனத்தை ஈர்த்து வரும் இந்த நிகழ்ச்சி, அடுத்த கட்டத்தை நோக்கி நகர்ந்துள்ளது.
இந்நிலையில், பிக்பாஸ் 10வது சீசன் வரும் செப்டம்பர் 6ஆம் தேதி முதல் ஒளிபரப்பாகும் என தகவல்கள் வெளியாகியுள்ளன.
இந்த சீசனில் வழக்கம்போல் சின்னத்திரை மற்றும் திரைத்துறையை சேர்ந்த பிரபலங்கள் மட்டுமின்றி, பொதுமக்களில் சிலரும் போட்டியாளர்களாக பங்கேற்க உள்ளதாக கூறப்படுகிறது.
இதனிடையே கடந்த சில நாட்களாக பிக்பாஸ் 10 போட்டியாளர்கள் குறித்த பல்வேறு தகவல்கள் சமூக வலைதளங்களில் பரவி வருகின்றன. அந்த வகையில் தற்போது வெளியாகியுள்ள புதிய தகவல் ரசிகர்கள் மத்தியில் எதிர்பார்ப்பை ஏற்படுத்தியுள்ளது.
அதன்படி, பிரபல கிரிக்கெட் வீரர் முரளி விஜய் பிக்பாஸ் 10வது சீசனில் போட்டியாளராக கலந்துகொள்ள இருப்பதாக தகவல் வெளியாகியுள்ளது. இருப்பினும், இதுகுறித்து இதுவரை அதிகாரப்பூர்வ உறுதிப்படுத்தல் எதுவும் வெளியாகவில்லை.
அதேபோல், தற்போது ஜீ தமிழில் ஒளிபரப்பாகி வரும் ‘பாரிஜாதம்’ தொடரில் நடித்து வரும் நடிகை ஆல்யா மானசாவும் பிக்பாஸ் 10 நிகழ்ச்சியில் பங்கேற்க உள்ளதாக தகவல்கள் தெரிவிக்கின்றன.
முரளி விஜய் மற்றும் ஆல்யா மானசா இருவரும் உண்மையிலேயே பிக்பாஸ் வீட்டிற்குள் வருகிறார்களா என்பதை பொறுத்திருந்துதான் பார்க்க வேண்டும். அதிகாரப்பூர்வ போட்டியாளர் பட்டியல் வெளியாகும் வரை இந்த தகவல்கள் அனைத்தும் எதிர்பார்ப்பு மற்றும் தகவல் மட்டுமே என்பது குறிப்பிடத்தக்கது.
