நடிகர் சூர்யா மற்றும் நடிகை ஜோதிகா தங்களது 20வது திருமண ஆண்டு நிறைவை முன்னிட்டு பகிர்ந்துகொண்ட அழகான தருணங்கள் தற்போது ரசிகர்கள் மத்தியில் வைரலாகி வருகின்றன.
சூர்யா – ஜோதிகா இருவரும் கடந்த 2006ஆம் ஆண்டு திருமணம் செய்து கொண்டனர். 20 ஆண்டுகளாக தங்களது திருமண வாழ்க்கையை மகிழ்ச்சியாக தொடர்ந்து வரும் இந்த நட்சத்திர தம்பதிக்கு ரசிகர்களும் திரையுலகினரும் வாழ்த்துகளை தெரிவித்து வருகின்றனர்.
இந்நிலையில், 20வது திருமண ஆண்டு நிறைவையொட்டி நடைபெற்ற சிறப்பு நிகழ்வு குறித்து சூர்யா நெகிழ்ச்சியுடன் பேசியுள்ளார்.
“உங்கள் அனைவரின் அன்புக்கும் மிக்க நன்றி. 20வது திருமண ஆண்டு நிறைவையொட்டி இதுபோன்ற ஒரு நிகழ்வை நடத்த வேண்டும் என்பது ஜோதிகாவின் நீண்ட நாள் விருப்பம்.
இந்த நிகழ்வில் எங்களது நண்பர்கள் மற்றும் குடும்பத்தினர் பலரும் கலந்து கொண்டனர். இது மிகவும் அழகான தருணமாக இருந்தது. இதுபோன்ற ஒரு நிகழ்வை மீண்டும் உருவாக்க முடியுமா என்று தெரியவில்லை” என சூர்யா தெரிவித்துள்ளார்.
தங்களது திருமண வாழ்க்கைக்கு ரசிகர்கள் பல ஆண்டுகளாக வழங்கி வரும் அன்பையும் ஆதரவையும் நினைவுகூர்ந்த சூர்யா, இந்த மகிழ்ச்சியான தருணத்தை அனைவருடனும் பகிர்ந்துகொள்ளவே இந்த நிகழ்வு ஏற்பாடு செய்யப்பட்டதாகவும் குறிப்பிட்டுள்ளார்.
சூர்யாவின் இந்த நெகிழ்ச்சியான பேச்சு தற்போது சமூக வலைத்தளங்களில் ரசிகர்களால் அதிகம் பகிரப்பட்டு வருகிறது
